Քիթ-կոկորդ-ականջ հիվանդություններ
Լսողական խնդիրները` պատերազմի ժամանակ. հարցազրույց օտովիրաբույժ-ականջաբան Գայանե Սարգսյանի հետ. armeniamedicalcenter.am
Լսողության խնդիրների ի՞նչ առանձնահատկություններ են դիտվել արցախյան պատերազմի ժամանակ:
Արցախյան երկրորդ պատերազմի ընթացքում՝ նոր տիպի զինտեխնիկայի ներդրման, արկերի կիրառման և դրանց պայթյունների հարվածային ալիքի հետևանքով բազմաթիվ զինվորների մոտ ախտորոշվեցին կոնտուզիոն բնույթի օտիտներ, որոնք ուղեկցվում էին կոնդուկտիվ և սենսոնևրալ ծանրալսությությամբ։ Պայթյունի հարվածային ալիքի հետևանքով առաջացած վնասվածքը դրսևորվում էր որպես օրգանիզմի ախտաբանական գործընթաց:
Այդ ախտահարումների դրսևորման ի՞նչ տեսակներ կային:
Ըստ վնասվածքի առաջացման մեխանիզմի տարբերվում են՝ ալիքի ուղղակի ազդեցություն, թռչող բեկորներով պայմանավորված վնասում, տուժածի մարմնի պրոյեկցիայով պայմանավորված անուղղակի վնասում, այրվածքներ, ածխածնի մոնօքսիդով ինհալացիոն ախտահարումներ: Օդակիր օրգանները, ինչպիսիք են՝ միջին ականջը, թոքերը, մարսողական համակարգի օրգանները, վնասման հիմնական նախընտրելի թիրախներն են: Վնասվածքների ծանրությունն առավելապես պայմանավորված է այդ օրգաններում օդի ճնշման հանկարծակի փոփոխությամբ:
Որո՞նք էին լսողության խանգարումների պատճառները:
Պատերազմի հետ կապված առաջին պատճառը, որին առնչվեցինք՝ պայթյունի հետևանքով առաջացած հարվածային ալիքն էր, որը բերում է բարոտրավմայի, թմբկաթաղանթի պատռման, մինչև անգամ ներքին ականջի թաղանթների պատռման, ինչպես նաև՝ ակուստիկ, ձայնային տրավմայի արդյունքում վնասվում է ներքին ականջը: Արկերի պայթյունից առաջանում է 140 դեցիբել բարձրության ձայն, որի հետևանքով վնասվում են լսողական օրգանի զգացող բջիջները, իսկ դա, ցավոք, անդարձելի գործընթաց է:
Ո՞ր վնասվածքներն են ավելի հաճախ հանդիպել:
Ըստ վնասվածքի տեղակայման, արտաքին ականջի վնասումն ավելի հազվադեպ է հանդիպում (այրվածքներ և երկրորդային պայթյունի մեխանիզմով`պայթյունի ընթացքում մետաղական բեկորներով վնասում)։ Ավելի հաճախ վնասվում են միջին ականջի կառուցվածքները, ներքին ականջի զգացող բջիջները։
Բուժման ինչպիսի՞ մեթոդներ են կիրառվում:
Այս խնդիրների մի մասն ունի վիրահատական բուժում, մասնավորապես, միջին ականջի ռեկոնստրուկտիվ վիրահատութուններ. թմբկաթաղանթի դեֆեկտի վերականգնում՝տիմպանոպլաստիկա, լսողական ոսկրիկների շղթայի վերականգնում՝ օսիկուլոպլաստիկա։ Իսկ ձայն ընկալող համակարգի վնասման դեպքում սուր էտապում ցուցված է դեղորայքային բուժում, իսկ ուշացած դեպքերում` լսողության պրոթեզավորում լսողական սարքերի, որոշ դեպքերում նաև, խխունջային ներպատվաստման ձևով։ Բազմաթիվ լսողության վերականգնողական վիրահատություններ են կատարվել պատերազմի օրերին և առայսօր շարունակվում են իրականացվել։
Այնպես որ, վերջին շրջանում, մեր երկրի, ժողովրդի համար՝ պատերազմի ժամանակ ձայնային (ակուստիկ) տրավմաների արդյունքում լսողության իջեցման բուժումը դարձել է հրատապ և առաջնային: Այդ խնդիրներով զինվորները բավականին շատ են։ Զինվորների մի մասի մոտ, իհարկե, լսողությունը կվերականգնվի, բայց նաև լսողական խնդիրներ ունեցող շատ տղաներ կան, որոնք կարիք ունեն լսողության պրոթեզավորման:
Ծրագրավորված ինչ աշխատանքներկա ներկայում:
Միացյալ Նահանգների մեր գործընկերների հետ համատեղ կատարվում է լայնածավալ գիտական աշխատանք. պատերազմից տուժած զինվորների հիվանդության պատմությունների հավաքագրում և մշակում՝ բուժման ժամանակակից մեթոդներ մշակելու նպատակով։ Հետագայում, դրանից ելնելով, այլ աշխատանքներ նույնպես կկատարվեն, հնարավոր կլինի այդ զինվորների պրոթեզավորման հարցերը լուծել և, իհարկե, դեղորայքային ու վիրաբուժական միջամտություններ իրականացնել:
Կարդացեք նաև
Լսողության խանգարումը լսողությունն ապահովող ականջի և գլխուղեղի հատվածների տարբեր հիվանդությունների հետևանք է: Այն դիտվում է ամենատարբեր...
Աուդիոմետրիան հնարավորություն է տալիս լիարժեք գնահատել լսողությունը և հիվանդության դեպքում որոշել ախտահարման աստիճանն ու բնույթը: Ձայնային ազդակի ուժը կարգավորվում...
Դատարկ քթի (ԴՔ) համախտանիշը վիրահատական բուժման բարդություն է, երբ քթի խոռոչները՝ հատկապես ստորին, խիստ վնասվում են վիրահատության հետևանքով: Դա հանգեցնում է քթի...
Բկանցքում լորձի ներկայությունն օրգանիզմի բնական ֆիզիոլոգիական վիճակ է: Լորձն օգնում է պաշտպանվել մանրէներից և գործում է որպես վերին շնչուղիների քսանյութ...
Ցավոտ կոշտացումը, սովորաբար, որևէ հատվածում բնական նյութի կուտակում է (ճարպ, լիմֆա): Կոշտացումները երբեմն ուռուցքի առաջացման սկզբնական շրջանն են: Եթե ցավից զատ առկա են տենդ, ընդհանուր թուլություն...
Ներկայում տարածված խնդիր է քթի լորձաթաղանթի չորությունը: Այն երբեմն լուրջ ախտաբանության արտահայտություն կարող է լինել...
Երեխաները սիրում են «փորձարկումներ» անել և հաճախ այդ նպատակի համար «օգտագործում են» իրենց սեփական մարմինը: Օրինակ, նրանք կարող են ձեռքի տակ հայտնված որևէ փոքր առարկա մտցնել քթի մեջ...
Ականջի մեջ օտար մարմինը կարող է տեղակայվել արտաքին լսողական անցուղում, իսկ թմբկաթաղանթի ծակվելու դեպքում կարող է տեղակայվել միջին ականջի կամ ներքին ականջի տարածքում: Ծծմբային խցաններն ու մակաբույծները...
Քթից թարախային արտադրությունը հաճախ լինում է կանաչ կամ դեղնավուն, վատ հոտով, կարող է անհանգստացնել նաև գլխացավը, բարձր ջերմությունը, ընդհանուր թուլությունը և այլն...
Մոլորակի բնակչության քսան տոկոսի մոտ ժամանակ առ ժամանակ դիտվում է հարբուխ, որը հետևանք է լորձաթաղանթի վրա արտաքին գործոնների ազդեցության /փոշի, ալերգեններ՝ ծաղկափոշի, կենդանու մազ...
Բերանի տհաճ հոտը, կլման դժվարացումը, գլխացավը, կոկորդում տհաճ զգացողությունը կարող են թարախային խցանների ախտանշաններ լինել: Դրանք ուղեկցվում են նաև բարձր ջերմությամբ, վատ ինքնազգացողությամբ...
Կոկորդի ախտահարումների առանձնահատկությունները
Ժամանակակից քիթ-կոկորդ-ականջաբանության խնդիրների շարքում կոկորդի ախտահարումներն ամենահաճախ հանդիպողներից ե...
Ինչպե՞ս կբնութագրեք սինուսիտը որպես ախտաբանություն, և ո՞ր խոռոչներն են ավելի հաճախ ախտահարվում
Սինուսիտը հարքթային խոռոչների լորձաթաղանթի բորբոքումն է...
Աղմուկն ականջներում որքա՞ն հաճախ է հանդիպում
Աղմուկն ականջներում տարածված և մշտապես անհանգստացնող երևույթ է...
Warning: mysqli::query(): (HY000/1): Can't create/write to file '/var/tmp/MYfYY7qt' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381
Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384